Serok Barzanî bi sanda Iraqê re kêseyên Hewlêr û Bexdayê gotûbêj kir

PeyamaKurd - Serok Mesûd Barzanî, doh Şemiyê pêşwazî li şandeke Encûmena Nûnerên Iraqê û Parêzgarê Selahedînê kir û di hevdîtinê de proseya siyasî ya Iraqê û kêşeyên di navbera Hewlêr û Bexdayê de hatin guftûgokirin.

Hat ragihandin ku Serok Mesûd Barzanî pêşwazî li şanda Encûmena Nûnerên Iraqê kir ku ji Dr Quteybe El Cibûrî Serokê Lîjneya Tendirustî û Jîngehê û Musenna El Sameraî Serokê Lîjneya Darayî ya Encûmena Nûnerên Iraqê û Dr. Emar Cebir El Cibûrî Parêzgarê Selahedînê pêk hatibûn.

Di hevdîtinê de di derbarê proseya siyasî ya Iraqê û kêşeyên di navbera Hewlêr û Bexda û rewşa parêzgehên navîn yên Iraqê guftûgo hatin kirin.

Di vê civînê de tekezî li ser berdewamiya peywendî û hemahengiya di navbera her du aliyan hate kirin.