Xelkê Belûc serhildan û protestoyên Înê yên dijî Îranê didomînin

PeyamaKurd – Serhildan û protestoyên xelkê Belûcistanê ku piştî kuştina keça Kurd Jîna Emînî ji Îlona 2022yan ve dest pê kiribûn, her rojên Înan berdewama dikin.

Xelkê bajarê Zahîdan ê Belûcistanê, îro 10ê Adarê piştî nimêja Înê careke din daketin kolanan û dirûşmên dijî Xamaneyî û Sûpaya Pasdaran qêriyan.

Xwepêşanderên Belûç pi piştî nimêja Înê li mizgefta Mekkî ya bajarê Zahidanê, bi dirûşmên wekî; “azadî azadî, mamosteyên olî divê bêne berdan, em ê tola xwîna birayên xwe hildin, mirin bo dîktator û mirin bo Xamineyî” meşiyan.

#Zahedan

According to Iran's Sunni Rights, today, Friday, 10,March,2023 thousands of Sunni Baloch citizens came to the streets in Zahedan city like last Fridays and chanted slogans against the regime of the Islamic Republic of Iran.@sunnirightsfa@sunnirightsar pic.twitter.com/Z1PErnferf

— Sunni Rights in Iran (@SunnirightsEn) March 10, 2023

Li bajarê Raskê jî tevî tedbîrên tund ên hêzên Îranê jî xelkê Belûç xwepêşandan li dar xistin û gotin, ew dê tola kuştina zêdetirî 100 welatiyên Belûç ku beriya niha piştî nimêja Înê ya li Mizgefta Mekke ya Zahîdanê, ji aliyê hêzên Îranê ve hatibûn kuştin, bistînin.