Borrell: Sozên ji Ukraynayê re hatine dayîn wê bên cih

PeyamaKurd - Nûnerê Bilind ê Têkiliyên Derve û Polîtîkayên Ewlekariyê yê Yekîtiya Ewropayê (YE) Josep Borrell piştî civîna wezîrên derve yên YEyê diyar kir, YE ji bo ku sozên xwe yên li ser dayîna cebilxaneyê ji Ukraynayê re bi cih bîne, wê her tiştî bike.

Borrell der barê rewşê de ev daxuyanî da:

“Em her tiştî dikin ku em sozên xwe pêk bînin. Heta niha zêdeyî hezar moşek hatine şandin. Hemû wezîr ji lezgîniya daxwazê ​​fêm dikin. Em tenê dikarin bi zêdekirina radestkirinê alîkariya Ukraynayê bikin ku bi êrîşên Rûsyayê re rû bi rû bimîne.”

Yek ji mijarên ku di Konseya Wezîrên Karên Derve ya Yekîtiya Ewropayê de were nîqaşkirin, wê pêkanîna planên şandina cebilxaneyê ji Ukraynayê re be. Berê hatibû ragihandin, di nav Yekîtiya Ewropî de nakokî derketin li ser wê yekê ku cebilxaneyên ku li derveyî Ewropayê têne hilberandin divê di kirînên gelemperî de bin an tenê ji hilberînerên herêmî re sînordar bin.

Wezîrê Derve yê Ukraynayê Dmitriy Kuleba roja Pêncşemê got, ew têkçûna biryara YEyê ya kirîna cebilxaneyên hevbeş li Kîev wek ceribandinek ji bo serxwebûna yekîtiyê dibîne û rewş wekî xeyalestî nirxand.