Kesekî bi çekê girte ser fabrîqeya Amerîkî: 7 karker hatin dilgirtin!

PeyamaKurd – Hate ragihandin ku îro 1ê Sibatê danê êvarê, kesekî bi çek, bi ser fabrîqeya P&G ya Amerîkî ku li navçeya Gebze ya bajarê Kocaeli yê Tirkiyê ye de girt.

Li gorî zanyariyên medya Tirk wêneyê kesê êrîşî fabrîqeyê kiriye hatiye belavkirin ku bi çek e û li ber dirûşmên piştgiriya Xezzeyê yên dîwarekî rawestiyaye. Hate îdiakirin ku ev çalakî ji bo protestokirina Îsraîlê li dar xistiye.

Hate diyarkirin ku wî kesê bi çek 7 karkerên fabrîqeyê dîl girtine.

Herwiha hin medyayan jî belav kiriye ku kesê êrîş kiriye, bi xwe karkerekî peymanî yên wê fabrîqeyê bûye û 10 roj berê jî kar veqetiyaye.

Piştî bûyerê gelek tîmên polîsan û tenduristiyê bo cihê bûyerê hatine veguhestin û hemû rêyên diçin wê fabrîqeyê hatine girtin.