250 milyon dolar kefaleta serokê FTXê hate betalkirin: Bankman-Fried sandin girtîgehê

PeyamaKurd – Sam Bankman-Fried, damezrînerê danûstendina diravên krîpto FTX ku ji ber sextekarî û şûştina pereyan hate dadgeh kirin û bi kefalet hate berdan, ji ber ku hewl da ku bandorê li şahidan bike, şandin girtîgehê.

Dadwerê dozê ferman da ku kefaleta wî were betalkirin, bi hincetên ku bawer dikin ku Bankman-Fried "bi kêmî ve du caran" hewil da ku şahidan bandor bike.

Ger îtîraza li dijî kefaletê bi ser nekeve, tê payîn ku Bankman-Fried di 2yê Cotmehê de li benda darizandina sûcdar bimîne di girtîgehê de.

Bankman-Fried di meha Kanûnê de li Bahamayan hatibû desteserkirin piştî ku Amerîka gilî kir. Biryar hat dayîn ku Bankman-Friedê ku di 21ê Kanûna 2022an de teslîmî Amerîkayê hatibû kirin, heta danişînê bi kefaleta 250 milyon dolarî bê berdan.