Besdarekî konferansa Trump bi coronavîrûsê ket

PeyamaKurd – Hat ragihandin ku di bernameyeke Serokê Amerîka Donald Trump û rêveberên payebilind ên Amerîkayê beşdarî kirine de kesekî bi nexweşîya vîrûsa koronayê hatiye tesbît kirin.

Di konferansa Bizavên Siyasî yên Mihafezekaran a hefteya borî ku li Marylandê wekî xebata hilbijartinên Amerîkayê hatiye lidarxistin û Trump û cîgirê wî Mike Pence jî beşdarî kiriye de, bi kesekî beşdarê wê konferansê re vîrûsa koronayê ket.

Li gorî hatiye ragihandin hîn nediyar e, bi kesekî din ê beşdarê wê bernameyê re vîrûsa koronayê hebûye yan na. Lê tê diyarkirin ku ew kesê bi vîrûsa koronayê ketiye bi Trump û Pence re nêzîk nebûye.

Trump berî niha li ser belavbûna vîrûsa koronayê li cîhanê û Amerîkayê gotibû, “Ez qet endîşe nakim. Ti mîtingeke xwe betal nakim. Em pir baş diçin. Me heta niha derbarê vîrûsê de karekî fantastîk kiriye.”