Vladîmîr Pûtîn li ser F-16yan hisyarî da Rojava!

PeyamaKurd –Serokê Rûsyayê Vladimîr Pûtîn careke din îdiaya ku ew plan dikin ji bilî Ukraynayê êrîşî welatekî din bikin red kir û derbarê balafirên şer ên F-16 de hişyarî da Rojava.

Pûtîn xîtabî pîlotên ku di hêza hewayî ya Rûsyayê de wezîfedar in, diyar kir ku ev hevalbendiya bi pêşengiya DYA ji dema hilweşîna Yekîtiya Sovyetê di sala 1991an de ber bi Rûsyayê ve berfireh dibe, lê Moskow plana êrîşa li ser ti welatekî NATOyê tune.

Pûtîn got, "Tu niyeta me ya êrîşkar li hemberî van dewletan tune ye" û çavê Rûsyayê li tu welatekî NATOyê tune ye. Fikra ku em ê êrîşî hin welatên din bikin, mîna Polonya û welatên Baltik, Çek jî ditirsînin, bi tevahî bêaqilane ye."

"Em ê wan jî tune bikin"

Serokê Rûsyayê di bersiva pirsekê de derbarê balafirên şer ên F-16 ku welatên rojava soz dabû Ukraynayê dabîn bike, amaje bi wê yekê kir ku pêngaveke wiha têra guhertina rewşa Ukraynayê nake.

Pûtîn got, "Eger weke ku dibêjin, balafirên şer ên F-16 bidin û diyar e pîlotan jî perwerde dikin, ev yek wê rewşa qada şer neguherîne. Û em ê van balafiran hilweşînin, çawa ku em niha tank, wesayitên zirxî û alavên din, di nav de gelek moşekavêjên roketavêj jî di nav de tune dikin."