Rêbejaya Wanê ji ber hezaza li 3 xalan hat girtin

PeyamaKurd – Li navçeyên bilind ên Wanê berf bi bandor bû û ji ber barîna baranê li hin taxan lehî rabû. Rêya bejahî ya Wanê ji ber hezaza ku li 3 xalan pêk hat, hat girtin.

Barîna baranê û berfa ku ji doh ve li bajêr bê navber dewam dike bandoreke neyînî li jiyanê kir.

Li ser rêya Wan-Colemêrgê ji ber berfa ku bi şev barî şofêran di rêbeja Kurubaş û Guzeldereyê de zehmetî kişandin.

Ji ber barana zêde li hin taxan lehî rabû û di bin avê de man.

Ekîbên îtfaiyeyê yên Şaredariya Bajarê Mezin a Wanê li ser exberan midaxeleyî herêmên ku lehî rabû.

Barîna ku doh bi bandor li navçeya Başkaleyê bariya, danê sibê cihê xwe ji berfê re hişt.

Welatiyên ku di sibeha cejnê de li navçeyê bi rengê spî bi berfê şiyar bûn, di bin baranê de çûn serdana goristanê.

Rêya Colemêrg-Wanê hatiye girtin

Li aliyê din rêya Colemêrg-Wanê ji ber hezaza ku li 3 xalan pêk hat, hat girtin û ekîban li ser rê dest bi xebatê kirin.

Ji ber baranê li ser rêyan kamav çêbûn û li hin nuqteyan jî ji ber ava ku ji zozanê diherikî ax û kevir kom bûn.

Li herêma Depînê ya li ser rêya Colemêrg-Wanê, di tunela nêzî gundê Kirikdagê û li cihê Erzîkiyê de erd hejiya.

Li ser vê yekê ekîbên Rêbeja û Îdareya Taybet a Parêzgehan ber bi herêmê ve hatin şandin û ji bo paqijkirina kevir, ax û axên li ser rê kom bûne dest bi xebatê kirin.

Dema ekîb li cihê Depînê dixebitîn, hat dîtin ku ketina perçeyên zinar û axê ji çiyê berdewam dike.

Ekîbên polêsan li herêmê tedbîrên ewlehiyê girtin û welatiyên ku bi wesayîtên xwe li ber deriyê bajêr sekinîn birin ku ji xetereyê dûr bikevin.