NYê, bang li Îsraîlê kir: Demildest raweste!

PeyamaKurd- Sekreterê Giştî yê Neteweyên Yekbûyî (NY) Antonio Guterres, bang li Îsraîlê kir ku demildest dest ji hemû xebatên wargehan berde.

Antonio Guterres diyar kir ku ew ji ber biryara nû ya niştecihbûnê ya Îsraîlê gelek bi fikar û dilgiran in û bang li Îsraîlê kir ku demildest dest ji hemû xebatên xwe yên li ser wargehan berde.

Guterres da zanîn ku ew ji ber planên Îsraîlê yên ji bo zêdeyî 4,000 wargehên nû li Şerîeya Rojava ya dagirkirî "bi fikar û dilgiran e" û anî zimên ku ev plan dê xebatên niştecihbûnê yên Îsraîlê bileztir bike.

Sekreterê NYê bal kişand ser wê yekê ku ev cihwarî binpêkirina eşkere ya hiqûqa navneteweyî ye û destnîşan kir ku ew li pêşiya aştiya du dewletî, dadperwer û mayînde jî dibin asteng.

Guterres diyar kir ku berfirehkirina wargehên neqanûnî dibe sedema rageşî û tundiyê û her wiha bal kişand ser kûrbûna dagirkeriya Îsraîlê û desteserkirina çavkaniyên xwezayî yên gelê Filistînê.