Daxuyaniya ser ji Pûtîn: Em dixwazin dawî lê bînin

PeyamaKurd – Daxuyaniya şer ji Pûtîn: "Em dixwazin dawî lê bînin"

Serokdewletê Rûsyayê Vladîmîr Pûtîn derbarê şerê Rûsya û Ukraynayê de got: "Em jî dixwazin dawî li pevçûnan bînin." got.

Vladimîr Pûtîn di roja ewil a sersalê de çû Nexweşxaneya Leşkerî ya Vîşnyevskî û bi leşkerên ku beşdarî şerê li Ukraynayê bûn û rayedarên nexweşxaneya leşkerî re hevdîtin kir.

Pûtîn di serdana xwe de daxuyaniyek da û got: “Ukrayna ne dijminê me ye. Lêbelê, kesên cuda hene (rêveberiya Ukraynayê) ku dixwazin Rûsyayê bi awayekî stratejîk têk bibin. Lêbelê kesên ku bi sempatî li me dinêrin û ji aliyê ruhî ve bi me re ne jî hene. Ji bo ku pevçûn çêbibin, demeke dirêj xwarin dan rejîma Kîevê. Mixabin, ew di vê yekê de biser ketin û hewl didin bi alîkariya Ukraynayê mîsyona şer a li dijî Rûsyayê çareser bikin."

Pûtîn bal kişand ser wê yekê ku Ukrayna di eniyê de têk çû û Rojavayî nekarîn bigihêjin armanca xwe û got, "Yên ku duh dixwestin têkçûneke stratejîk li Rûsyayê bixin, niha behsa wê dikin ku divê şer bi lez bi dawî bibe. Em jî dixwazin bi lez û bez dawî li pevçûnan bînin. Lê li gor şertên me. Daxwaza me ya şer heta hetayê nîne. Lê em dev ji helwesta xwe bernadin.”

Pûtîn bi bîr xist ku di êrîşa moşekî ya Ukraynayê ya li ser bajarê Belgorod ê Rûsyayê de 24 kes mirin û zêdeyî 100 kes jî birîndar bûn, Pûtîn diyar kir ku ew ê bersiva vê êrîşa Ukraynayê bidin.

"Em bi çekên pir teqez li navendên leşker û çeteyên (Ukraynayê) dixin, bi taybetî navendên leşkerî." Putin got, “Divê we ferq kir ku êrîşên bi vî rengî roja piştî êrîşa terorê ya li Belgorodê hatin kirin. Îro tê kirin û em ê sibê jî bikin."