Hamas: Dibe ku ev ser, veguhere serekî herêmî!

PeyamaKurd- Serokê Buroya Siyasî ya Hamasê Îsmaîl Heniye, bi peyameke vîdeoyî rewşa şerê navbera Hamas û Îsraîlê nirxand û diyar kir ku heger ev şerê xwînî berdewam bike, dibe ku li şerê herêmî veguhere.

Îsmaîl Heniye, di peyama xwe de pevçûnên bi Îsraîlê re yên li eniyên Xeza, Şerîeya Rojava û Lubnanê û geşedanên siyasî nirxand û bi bîr xist ku Amerîka û hin welatên Ewropayê ji bo piştgiriya manewî serdana Îsraîlê kirin.

Haniye destnîşan kir ku tevî van hemû hewildanan, rêveberiya Washingtonê jî di warê dayîna piştgiriya herêmî û navneteweyî da Îsraîlê ji bo êrîşên li ser Xezayê û ji bo ku bi Ereban sirgûnê bidin qebûlkirin, bi ser neketin.

Îsmaîl Haniye destnîşan kir ku rêveberiya Amerîkayê nekariye eniyên din ji holê rake û gel bi derewên Îsraîlê qanih bike û axaftina xwe bi vî awayî berdewam kir:

"Heger ev êrîşên hovane, wêranî û rijandina xwînê ya li dijî Xezayê bidome, dibe ku bibe şerekî herêmî."

Haniye diyar kir ku di van rojên dawî de bi gelek rayedarên alema ereb û îslamê re hevdîtin kirine û wiha got:

"Di van hevdîtinan de wan diyar kir ku çareserî encax bi bidawîkirina dagirkeriyê û avakirina dewleteke serbixwe ya Filistînê ya bi Qudsê re pêkan e. Her wiha diyar kirin ku divê fermandarên dagirker ji ber sûcên ku kirine bên darizandin û divê di zûtirîn demê alîkariyên mirovî bigihîjin Xezayê.”