Mistefa Kazimî bi rêya telefonê pîrozbahî li Mesrûr Barzanî kir

PeyamaKurd – Serokwezîrê berê yê Iraqê Mistefa Kazimî, do bi rêya telefonê pîrozbahî li Mesrûr Barzanî kir.

Li gor zanyariyan, di pêwendiya telefonî de Mistefa Kazimî ji bo destpêkirina karên Kongreya 14an a Partiya Demokrat a Kurdistanê (PDK) û destnîşankirina Mesrûr Barzanî wek Cîgirê Serokê PDKê pîrozbahî lê kir.

Herwiha Mistefa Kazimî hêviya serkeftinê ji bo kongre û Partiya Demokrat a Kurdistanê (PDK) xwest.

Herî dawî Mesrûr Barzanî spasî û pêzanînên xwe û yên PDKê ji bo pîrozbahiya Serokwezîrê berê yê Iraqê nîşan da.