Serokwezîrê Polonya: 4 hezar leskerên Wagner li sînoran hene

PeyamaKurd – Serokwezîrê Polonyayê Mateusz Morawiecki di civîna rojnamevanî ya ligel serokomarê Lîtvanya Gitanas Nauseda de, ragihandin ku li sînorên Polonya-Lîtvanya yên Belarûsê nêzî 4 hezar leşkerên Wagner hatine bicihkirin û ew jî di bihêzkirina sînorên xwe de berdewam in.

Morawiecki, behsa gefa leşkerên Wagner a Rûsî li ser sînoran kir û got, “Li gorî daneyê berdest li Belarûsê nêzî 4 hezar leşkerên Wagner hene. Me sînorên rojhilat xistin bin ewlehiyê û herwiha ji bo baskê NATO û Ewropayê jî em artêşa Polonyayê dişînin erdên rojhilat.”

Serokwezîrê Polonyayê diyar kir ku ew ji her senaryoyeke şer re amadekariyê dikin û çalakiyan wan ji aliyê hevpeymanên Bruksel, Washington û Londonê têne pîrozkirin.

Morawiecki, da zanîn ku di rewşa heyî de Wagner ji bo wan gefê çêdike.