Tengsîrî: Ger Îsraîl li Kendava Besrayê bicîh bibe,dibe ser derê

PeyamaKurd- Fermandarê giştî yê hêzên deryayî yê Îranê Alî Riza Tengsîrî ragihand ku ew koalîsyona Amerîkayê ya ku dixwaze li Kendavê ava bike, eger Îsraîl di nav de cîh bigre û here herêmê, dibe ku bibe sedema şer. Tengsîrî weha got:

“Hatina rejîma siyonîst ya Îsraîlê bo Kendava Besrayê li dijî qanûne. Dibe ku bibe sedema şer û pevçûnan. Ji vê jî Amerîka û Brîtanya berpirse. Amerîkayî nêzî ava Îranê êrîş kirin ser tankêrên petrolê û sûc avêtin ser Îranê. Niha jî Amerîka û Brîtanya li herêmê hevkariyeka li dijî qanûn datînin û senaryoyên xwe dimeşînin.”

Tengsîrî di dewama axaftina xwe de got ku her çendîn Amerîka û Brîtanya parastina xwe bikin jî hêza Îranê heye ku dest deyne ser keştiyan û weha dewam kir:

“Îran berê jî di herêmê de leşkerên Amerîka û Brîtanyayê binçav kir. Ew parastvanên ku keştiyan diparastin, eger karibûna dê xwe biparastina.”