Borrell: Dîplomatê me, 500 roj in li Îranê girtî ye

PeyamaKurd- Yekîtiya Ewropayê ragihand ku xebatkarê Karûbarê Derve yê Yekîtiya Ewropayê Johan Floderus, 500 roj in li Îranê girtî ye.

Nûnerê Bilind ê Karûbarên Derve û Polîtîkaya Ewlekariyê yê Yekîtiya Ewropayê Josep Borrell, li Spanyayê beriya Civîna Wezîrên Pêşketinê ji bo çapemeniyê axivî.

Borrell diyar kir ku dîplomatê Yekîtiya Ewropayê Floderus "bi awayekî neqanûnî" hatiye binçavkirin û got, "Bi şexsê min, tevahiya tîma min û hemû saziyên Yekîtiya Ewropayê, ji parastina konsolosxaneya pêşîn berpirsyar in. Em bi rayedaran û malbata wî re di têkiliyê de ne. Em di her astê de bi Îranê re di her têkiliyên dîplomatîk de mijarê tînin ser maseyê."

Rojnameya New York Timesê nivîsîbû ku Johan Floderus ê 33 salî yê Swêdî ku di Dezgeha Têkiliyên Derve ya Yekîtiya Ewropayê de kar dike, di Nîsana 2022yan de ku wekî geştiyar çûbû Îranê, hatiye girtin.