Bestas a HDPyî ya sewqî Enqereyê hat kirin: Em ê bi hev re bas bibin

PeyamaKurd – Cîgira Serokê Koma HDPê û namzeta parlamenteriyê ya Partiya Çep a Keskan a Erziromê Meral Daniş Beştaş a ku li Erziromê di qezaya trafîkê de birîndar bûbû, bi balafira ambûlansê sewqî Enqereyê hat kirin. Beştaş wiha got: “Em ê bi hev re baştir bibin.

Beştaşê ku di encama otomobîla ku tê de bû li Xaçerêya Kirgindere ya navçeya Qereyaziyê wergeriya birîndar bû û piştî mudaxaleya li Nexweşxaneya Dewletê ya Qereyaziyê sewqî Nexweşxaneya Bajêr a Erziromê hat kirin, li vir lêkolînên berfireh hatin kirin.

Beştaş a ku di bedena wê de cihên şikestî hebûn, ji Balafirgeha Erziromê bi balafira ambulansê sewqî Enqereyê hat kirin.

Endama Meclîsa Partiyê ya HDPê Talha Kaya li ber nexweşxaneyê daxuyanî da rojnamevanan û diyar kir, hemû muayeneyên Beştaş li nexweşxaneya bajêr hatine kirin û got, "Di encama hevdîtina me ya bi serleşker re hemû fîlm û tomografî wê hatin kişandin. Hat gotin, di mejî û organên wê de zerar çênebûye û wiha hat gotin: "Di encama vê şikestinê de hat gotin ku bi rizamendiya Serokê Bijîjkî û ya me biryar hatiye girtin ku Seroka Meralê bi balafira ambûlansê bişînin Enqereyê."

Beştaş ê ku rewşa xwe ya di dema sewqiyata ji nexweşxaneyê bo balafirgehê de ji rojnamevanan re diyar kir, di dema xebatên hilbijartinê de qezaya trafîkê pêk hatiye û wiha got: "Ez spasiya hemû kesên ku eleqe û hevgirtinê nîşan dane, dikim. hezkirin û rêz ji hemû Erziromiyan re. Em ê bi hev re baş bibin, ez ê jî baş bibim."

Otomobîla di bin rêvebiriya Mehmet Vefa Uysal de ku Beştaş di heman demê de Parlamentera HDPê ya Sêrtê ye do li Taxa Kirgındere ya navçeya Qereyazî ket stokê û ajokar Uysal û Mehtap Demirkaya ku di wesayîtê de bûn di qezayê de bi sivikî birîndar bûn.