Hikûmeta Kurdistanê neftê dide malbatên hejar û belengaz

PeyamaKurd –  Hikûmeta Kurdistanê, wê neftê bide malbatên hejar û belengaz.

Li gor Berpirsê Giştî yê Çavdêrî û Geşbûna Civakî Yûsif Çawşîn daye zanîn, îro em ê neftê bidin malbatên hejar û belengaz yên parêzgeha Hewlêrê.

Herwiha Yûsif Çawşîn diyar kiriye, 7 hezar û 700 bermîl neft hatiye dabînkirin û dê bi ser 7 hezar û 700 malbatên hejar de were belavkirin.

Wî berpirsê parêzgeha Hewlêrê da zanîn, malbatên hejar yên li deverên Soran, Çoman, Mêrgesor û Riwandiz dê ji wê alîkariyê sûdmend bibin. Beriya niha 23 hezar malbatên hejar yên Hewlêrî ji wê alîkariyê sûdmend bibûn.