SOHR: 70 malbatên komên çekdar li Serê Kaniyê hatin bicihkirin

PeyamaKurd – Çavdêriya Mafên Mirovan li Sûriyê (SOHR) ragihand ku artêşa Tirkiyê bargehên din yên leşkerî li Serê Kaniyê ava kirine û hejmareke din ji malbatên komên çekdar li bajêr hatine bicihkirin.

Li gorî SOHRê Tirkiyê baregehên leşkerî li gundê Mişrafa yê Serê Kaniyê ava kirine û doh 25ê Çile jî 70 malbatên komên çekdar li gundên Merîkês, Etiya û başûrê Elok yê Serê Kaniyê hatine bicihkirin.

Hêjayî bibîrxistinê ye ku beriya niha jî hezar û 500 malbatên komên çekdarên girêdayî Tirkiyê ji Kaniya Xezlan derbasî Serê kaniyê hatibûn kirin û li gundê El-Herdan û Xerebat hatibûn bicihkirin.