Ermenîstan: Em amade ne girtiyên Ermenî bi girtiyên Azerî re biguherînin

PeyamaKurd – Serokwezîrê Ermenîstanê Nîkol Paşînyan di nirxandina sala 2023'an de ji Azerbaycanê re peyamek şand û got, "Em amade ne ku girtiyên Ermenî bi girtiyên Azerî re biguherînin."

Serokwezîrê Ermenîstanê Nîkol Paşînyan ji ber ku sala 2023an ber bi dawîbûnê ve diçe nirxandina dawiya salê kir.

Paşînyan li ser înternetê bersiva pirsên gelê Ermenî da û bal kişand ser rewşa girtiyên Ermenî yên di destê Azerbaycanê de ne û ev daxuyanî da:

"Pirsgirêka girtiyan di navenda bala me de ye. Divê ez xemgîniya xwe bînim ziman ku ev pirsgirêka bi tevahî mirovahî ji bo armancên siyasî tê bikaranîn.

"Em ji rewşa vegera girtiyan ne razî ne"

Muzakere yek ji van rêyan e. Herwiha me amadebûna xwe ji bo guhertina Azeriyên ku li Ermenîstanê mehkûm bûne bi esîrên xwe re nîşan da û vê mijarê karakterekî însanî da.

Paşînyan da zanîn, wan berê jî ji bo vê rewşê serî li dadgeh û rêxistinên navneteweyî dane û got, “Em ji rewşa vegera girtiyan ne razî ne. "Lê belê, me karî ji sala 2020an vir ve zêdetirî 100 girtiyên Ermenî paşde bigrin."

Paşînyan derbarê koçkirina gelê ku li vir dijîn ji bo xaka Ermenîstanê piştî ku Azerbaycanê xaka Qerebaxê paşve sitand jî got, “Em van gelên li ser axa xwe qebûl dikin. “Eger vegera Qerebaxê ne mumkin xuya bike, em ê her tiştî bikin da ku ew li Ermenîstanê bimînin û ji welatê me neçin.”