AK Partiyê, mijara fesihkirina meclisê hanî rojevê

PeyamaKurd- Ji aliyê Alîkarê Serokê Giştî yê AK Partiyê Hamza Dag ve hat ragihandin ku ji bilî 18ê Hezîranê, di derbarê roja hilbijartinê de tu biryareke wan tuneye û da zanîn ku heger rewşeke wisa çêbibe, di Destûra Bingehîn hevtaya wê heye.

Hamza Dag diyar kir ku partiyên opozîsyonê her dem daxwaza hilbijartinên pêşwext dikin û got,

“Ji bo hilbijartinan 2 rê hene. Yek jê dema ku Meclîs bi 360 parlamenteran biryarê dide û ya din jî bi betalkirina parlamentoyê ya ji aliyê Serokomar ve ye.”

Dag da zanîn ku ew nîqaşên gel dişopînin û meha Hezîranê ya asayî ya hilbijartinê, bi betlane û dema îmtîhanê re hevdem e û got, "Hîn di MYK û MKYKê de rewşa muzakereyê çênebûye. Dema dor were ser xaleke biryarê, em ê vê bi raya giştî re parve bikin."

Her wiha Dag diyar kir ku şert û mercên beriya 6ê Nîsanê yên ji aliyê opozîsyonê ve nebûye rewşeke hilbijartinê û wiha got:

“Ji bilî 18ê Hezîranê, tu biryareke me li ser roja hilbijartinê tuneye. Heger rewşeke wiha çêbibe, di Destûra Bingehîn û yasaya hilbijartinê de hevtayê wê heye. 2 vebijêrk hene. Yek jê dema ku Meclîs bi 360 wekîlan biryarê dide û ya din jî dema ku Serokomar parlamentoyê fesh dike. Ger dîrokek ji bilî 18ê Hezîranê hebe, yek ji van dikare were sepandin. Heger rayerdarên opozîsyon bibêjin ‘em di vî karî de tunene’ ew dizanin.”