Hîzbullah îdiayên 'Sekreterê Gistî yê nû hat hilbijartin' derewand.

PeyamaKurd – Hizbullah nûçeyên ku dibêjin Haşim Safiyuddîn, serokê encûmena rêvebir ya tevgerê, li şûna Hasan Nasrallah, sekreterê giştî yê wê yê 32 salî ku di bombebarana Îsraîlê de mir, hat hilbijartin red kir.

Di daxuyaniya nivîskî ya Hîzbullahê de hat destnîşankirin ku nûçeyên ku di hin çapemenî û dezgehên çapemeniyê yên der barê sekreteriya giştî ya tevgerê de tên weşandin tu girîngiya wan nîne.

Di daxuyaniyê de hat gotin, "Em dixwazin eşkere bikin ku nûçeyên ku di hin saziyên çapemeniyê de derbarê xebatên rêxistinî yên piştî şehadeta Sekreterê Giştî yê me (Nasrallah) de ji aliyê Hizbullahê ve tên belavkirin, ne girîng in."

Di daxuyaniyê de hat destnîşankirin ku rêveberiya tevgerê li ser vê mijarê xebatên xwe didomîne û hat gotin, "Heta ku daxuyaniyeke fermî ji aliyê rêveberiya Hîzbullahê ve neyê dayîn, nûçeyên di vî warî de li ber çavan nayên girtin."