Hevdîtina dîrokî ya Bennett û Zayid pêk hat

PeyamaKurd – Serokwezîrê Îsraîlê Naftalî Bennett di dîroka Îsraîlê de yekem serdana fermî bo Îmaratê kir û bi Şahnişînê Abu Dabî Muhammed bin Zayid Al Nehyan re civiya.

Nivîsgeha Serokwezîriya Îsraîlê derbarê hevdîtinê de ragihand, "Hevdîtina dîrokî: Serokwezîrê Îsraîlê Naftalî Bennett û Şahnişînê Abu Dabî Muhammed bin Zayid Al Nehyan li hev civiyan.”

Li aliyê din ajansa fermî ya Îmaratê WAM jî derbarê hevdîtinê de agahî dan û ragihand, Bennett û Zayid derfetên hevkariyê di warên cuda yên geşepêdan, ewlehî û îstiqrarê de gotûbêj kirine.