Hewlêr | Bi merasîmeke fermî xatir ji Serokê Kurdistana Sor hat xwestin

PeyamaKurd - Cenzeyê niştimanperwerê Kurd, Serokê berê yê Tevgera Azadiya Kurdistanê ya Kafkasyayê û Serokê Komara Kurdistana Sor Wekîl Mustafayev ê ku li 19ê Nîsana 2019an Belçîkayê koça dawiyê kiribû îro 10ê Gulanê li paytexta Herêma Kurdistanê Hewlêrê bi merasîmeke fermî bo axê hat spartin.

Cenazeyê Wekîl Mistefayev li Goristana Şêx Ehmed a paytexta herêma Kurdistanê Hewlêrê hat veşartin.

Berî xakspartinê jî ji bo Mustafayev li Hall a Saad Adbullah bi beşdariya hejmarek mezin a rewşenbîr, nûnerên partiyên siyasî yên Kurdistanê û hejmarek zêde yên hezkiriyên Mustafayev ji her çar perçeyên Kurdistanê merasîmek hat lidarxistin.

Merasîma ji aliyê Dr. Ridwan Badinî ve hate birêvebirin ku li ser jiyan, xebat û têkoşîna Mustafayev bi berfirehî hat rawestin.

Nûnerê Serok Barzanî, Nûnerê Hikumeta herêma Kurdistanê, Nûnerê Parlementoya Kurdistanê, Ofîsa Serokwezîr Nêçîrvan Barzanî, li ser navê federasyona Komeleyên Kurdên Sowyeta berê û li ser navê malbatê axaftinên oxirkirinê hatin kirin.

Wekil Mustafayev sala 1938an ji dayik bûye û di jiyana xwe ya berxweder de têkoşîna Kurdistanê bandor li tevayiya jiyana wî kiriye ku ew bixwe jî şopgerê rêbaza Barzaniyê Nemir bû.

Serokê Kurdistanê Sor Wekîl Mustafayev koça dawî kir

Cenazeyê Wekîl Mustefayev gihîşt Hewlêrê