Xaminey ji bo 2 hezar û 887 mehkûman lêborîna gistî derxist

PeyamaKurd – Rêberê Olî yê Îranê Ayetullah Elî Xaminey, lêborîna giştî ya ji bo 2 hezar û 887 mehkûman û kêmkirina sizayê wan pesend kir.

Li gorî medya Îranê, Xaminey lêborîna giştî ya ji bo girtiyan bi boneya jidayikbûna Pêxemberê Îslamê Hz. Mihemed û rojbûna Hezretî Îmam Cafer Sadik ragihandiye.

Erka darazê ya Îranê jî ragihand ku lêborîna giştî 2 hezar û 887 mehkûman li xwe digire û di çarçoveya efûyê û kêmkirina sizayan de, biryarên dadgehên şoreşê, dadgehên giştî û daraza hêzên çekdar bingeh têne girtin.