Serok Barzanî gihîst Bexdayê: 5 hevdîtinên girîng pêk tîne

PeyamaKurd - Serokê Giştî yê Partiya Demokrata Kurdistanê (PDK) û Serokê berê yê Herêma Kurdistanê Mesûd Barzanî, piştî avakirina hikûmeta nû ya Iraqê yekem car serdana Bexdayê kir.

Serok Barzanî îro di çarçoveya serdana fermî de, gihîşt Bexdayê û tê çaverêkirin bi Serokwezîrê Iraqê Adil Ebdulmehdî, Serokê Parlamentoya Iraqê Mihemed Helbusî, Serokê Partiya Dewa Nûrî Malikî, Serokê Tevgera Hîkme Emar Hekîm û Serokê Hevpeymaniya Fetih Hadî Amirî re bicive û çend hevdîtinan bike.

Di serdana Bexdayê de Şêwirmendê Encûmena Asayîşa Herêma Kurdistanê û Endamê polîtburoya PDKê Mesrûr Barzanî, Endamê polîtburoya PDKê Azad Berwarî û çend berpirsên din ligel Barzanî beşdarî hevdîtinan dibin.