Parlamentereke îranî ji ber Covid-19ê jiyana xwe ji dest da

PeyamaKurd - Li Îranê parlamenterekî din jî bi vîrusa Koronayê (Covid-19) jiyana xwe ji dest da.

Li gorî nûçeya ajansa nîvfermî ya Îranê Tesnîmê, parlamentera Tehranê, Fatma Rehber, ji ber Covid-19ê jiyana  xwe ji dest da.

Fatma Rehber a ku ji ber Covid-19ê jiyana xwe ji dest da, parlementera Hizb-i Mutelife-yî Îslamî (Partiya Hevpeymaniya Îslamî) bû û 56 salî bû.

Covid-19ê cara ewil di 19ê Çile de li Îranê hatibû  dîtin û heya niha ketiye canê 4 hezar û 747 kesan û 913 kes piştî ku hatine dermankirin ji nexweşxaneyê derketin.

Hatibû eşkerekirin ku 24 parlementerên Îranê bi Covid-19ê ketine.