Efrîn | Ji bo wekî êzing bifirosin bi sedan darên zeytûnan birîn

PeyamaKurd – Binpêkirinên mafên mirovan, dizî û talana li herêma Efrînê ya Rojavayê Kurdistanê ku ji sala 2018an ve hatiye dagirkirin berdewam dike.

Rêxistina Mafên Mirovan a Efrînê herî dawî ragihand ku çekdarên koma bi navê El-Hemzat roja 5ê vê mehê 92 darên zeytûnan li gundê Kefer Zîtê yê li navçeya Cindirêsê birîn û bi barhilgiran bar kirin û dizîn.

Herwiha li gundê Meydankê yê navçeya Şera jî 50 darên din ên zeytûnê hatine birîn û çekdaran ji bo ku wan daran wekî êzing bifiroşin birine bazarên Efrîn û Idlibê.

Hatiye diyarkirin ku çekdar darên ku dibirin û didizin wekî êzing her toneke wê bi 135 dolarên Amerîkî difiroşin.