Hisyarî ji Sirbîstanê bo Tirkiyê! Ew asta xetereyê zêde dike!

PeyamaKurd – Musteşarê Wezareta Parastinê ya Sirbîstanê Nemanja Starovic diyar kir, wan bi rêyên dîplomatîk derbarê "alîkariya leşkerî ya zêde ya Tirkiyeyê" ya ji bo Kosovayê re hişyarî daye Enqereyê û got, ev alîkarî ji bo Sirbîstanê "asta metirsî û tehdîdê" zêde dike.

Starovic da zanîn, Tirkiye ji bo çekdarkirin û perwerdekirina artêşa Kosovayê "bi xîret dixebitin".

Starovic destnîşan kir, ev li dijî biryara 1244 a Konseya Ewlekariyê ya Neteweyên Yekbûyî û peymanên din ên têkildar e, got.

"Helbet em van hemû pêvajoyan bi tundî dişopînin. Saziyên me bi mehan e her tiştên ku diqewimin bi berfirehî ji rêveberiya dewletê re radigihînin. Em hemû rêyên dîplomatîk bi kar tînin da ku Tirkiyeyê hişyar bikin ku ev yek ji bo me nayê qebûlkirin û fikar e." "

Starovic bal kişand ku çekên ku Kosovayê ji Tirkiyeyê distîne "qedexe ye ku li herêmê bên bikaranîn" û hêzên ewlehiyê yên Kosovayê "divê van çekan tunebin", Starovic got, "Li gorî hemû tiştên em dizanin butçeya ji bo lêçûnên leşkerî hatiye diyarkirin, pereyên Kosovayê tune van çekan bide. Bê guman ev lêçûn ji aliyê Tirkiyeyê ve hatine dayîn. Ev jî asta metirsiyê û metirsiyê li ser Sirbistanê bi giştî zêde dike."