Gestên trênê yên di navbera Diyarbekir û Êlihê de car din destpê kir

PeyamaKurd – Geştên trênê yên di navbera Diyarbekir û Êliha Bakurê Kurdistanê de, ji nû ve destpê kir.

Geştên trênê yên di navbera Diyarbekir û Êlihê de, ku ji sala borî ve ji ber şewba Koronayê hatibû rawestandin, dîsa destpê kir.

Bi destpêkirina geştan, Rêvebertiya Xetên Hesinî ya Tirkiyê diyar kir, geştên di navbera Amed û Êlihê de, di 22 Adarê de wate doh destpê kirine û li gor planê, wê rojane du caran geşt hebin.

Herwiha Rêvebertiya Xetên Hesinî, ji kesên ku geştê bikin xwest maskan bi kar bînin û di dema kirîna bilêtan de, ji geştiyaran daxwaza koda HESê ya ku ji aliyê Wezareta Tendirustiya Tirkiyê ve tê kirin kir.