Encamên nefermî yên hilbijartinê eskere bûn: PDK partiya yekemîn e

PeyamaKurd – Li gorî amarên ne fermî yên hilbijartina pêşwext a parlamena Iraqê, Partiya Demokrat a Kurdistanê (PDK) li Herêma Kurdistanê û deverên derveyî Herêma Kurdistanê, serkeftineke berçav bi dest xistiye û li gorî encamên ne fermî yekemîn e.

Li gor zanyariyên ne fermî yên hilbijartinan heta niha PDKê nêzîkî 28 kursî misoger kirine. Herwiha PDKê li Kerkûkê 2 kursî, li Silêmaniyê 3 kursî, li Neynewa 7 kursî misoger kirine.

Partiya Demokrat a Kurdistanê (PDK) li bendê ye ku ji bilî kursiyên Hewlêr û Duhokê, li parêzgehên din ên derveyî îdareya Herêma Kurdistanê jî kursiyan bi dest bixe.

Hilbijartina giştî ya parlamentoya Iraqê 10ê Cotmehê li seranserê Iraqê û Herêma Kurdistanê birêve çû ku tê çaverêkirin di nav 24 saetan de Komîsyona Serbixwe ya Hilbijartinên Iraqê encamên fermî ragihîne.