Dr. Berzencî: Metirsî nema, korona hat kontrolkirin

PeyamaKurd – Wezîrê Tendurisiya Herêma Kurdistanê Dr. Saman Berzencî, ragihand ku li Kurdistanê metirsiya belavbûna vîrusa koronayê hatiye beralîkirin û ji bo asayîbûna jiyanê jî danûstandinan bi wezareta naxwe re dikin.

Dr. Saman Berzencî got, “Herêma Kurdistanê di rûbirûna vîrusa koronayê de di asteke gelekî baş de ye. Di rewşa heyî de metirsiya belavbûna koronayê li Herêma Kurdistanê nemaye û kesên bi vîrusê ketine hatine kontrol kirin.”

Berzenî herwiha da zanîn ku di çarçoveya tedbîrên pêşîgirtina belavbûna koronayê de dibe ku îro biryarên nû werin standin ku ji bo asayîbûna jiyana rojane ne.