Sekretêrê PDK-Sê: Koçkirina Prof. Kinyaz ziyaneke mezin ji tevaya gelê Kurd re ye

PeyamaKurd – Sekretêrê Partiya Demokrat a Kurdistanê – Sûriye (PDK-S) Siûd Mela, ji bo koça dawî ya Prof. Dr. Kinyaz Îbrahîm Mirzoyev, peyameke sersaxiyê belav kir û diyar kir, koçkirina Prof. Kinyaz, ziyaneke mezin ji tevaya gelê Kurd re ye.

Rewşenbîr û siyasetmedarê Kurd Prof. Dr. Kinyazê Îbrahîm, do ji ber nexweşiya Koronayê li nexweşxaneya bajarê Almata yê Kazaxistanê koça dawiyê kir.

Peyama Sekreterê PDK-Sê wiha ye:

Ji bo Civaka Kurdên Sovyeta berê û Civaka Kurdên Qazaxistanê û malbata Prof. Kinyaz Îbrahim Mirzoyev

Bi xem û kovaneke mezin me nûçeya koça dawî ya xwedê jê razî Serokê Federasyona Navnetewî ya Kurdên Sovyet, niştîmanperwerê xudan şan,Prof. Kinyaz Mirzoyev bihîst, bêguman koça wî ziyaneke mezin e ji tevaya gelê Kurd re.

Em behîdariya we û malbat û tevaya hevalên wî dikin. Bila serê we sax be, cihê wî buhişta berîn be.

Em beşdarê xema we ne.

Sekretêrê Partiya Demokrat a Kurdistanê - Sûriya Siûd Mela

Qamişlo 08. 08. 2021