Kamyoneta koçberên Afgan hilgirtibûn wergeriya: Mirî û birîndar hene

PeyamaKurd – Li bajarokê Artemêtanê ya ser bi parêzgeha Wanê ya Bakurê Kurdistanê ve, kamyoneta koçberên Afgan hilgirtibûn wergeriya û di encamê de kesekî can da û 15 kes jî birîndar bûn.

Li gor zanyariyan, komyoneta ku Nadir Ozdemir şofêrtiya wê dikir, li ser rêya Payîzava-Westanê nêzîkê gundê Gemê ji kontrolê derketiye û wergeriyaye.

Di encama bûyerê de, şofêr û 15 koçberên Afgan ku bi rêyên qeçax derbasî navçeyê bibûn birîndar bûn.

Li ser agahdarkirina aliyên pêwendîdar polîs, cendirme û tîmên tendirûstiyê ji bo cihê bûyerê hatin şandin.

Birîndar bi ambûlansan ji bo nexweşxaneyên derdorê hatin veguhestin. Hat diyarkirin, şofêrê bi navê Nadir Ozdemir tevî hemû hewldanên pizîşkî, can daye.