Erebên sîe tevahiya encamên hilbijartinên Iraqê red kirin

PeyamaKurd – Hat ragihandin aliyên erebên şîe yên nava bereya (Îtarî Tensîq) tevahiya encamên hilbijartina pêşwext a Iraqê red kirin.

Bereya Îtarrî Tensîqê bi daxuyaniyekê îdia dike ku beyî ti gumanekê derketiye holê ku komisyona bilind a serbixwe ya hilbijartina Iraqê berê encama hilbijartinê amade kiriye.

Herwiha tê gotin, ew encamên hilbijartina Iraqê red dikin û qebûl nakin û belgeyên komisyona bilind a serbixwe ya hilbijartina Iraqê jî weke belgeyên temam qebûl nakin.

Îtarrî Tensîq ji 5 kutleyên erebên şîe pêk te û ku Tevgera Sedir derveyî wê kutleyê ye û kesên di nava Îtarî Tensîqê de; Hevpeymanîya Dewleta Yasa, Hevpeymanîya Fetih, Hevpeymanîya Hêzên Dewlet, Tevgera Eta û Partiya Fezîle ne.

Doh Sêşemê 30.11.2021ê komisyonê encama dawî ya hilbijartina pêşwext a parlementoya Iraqê ku di roja 10.10.2021ê de birêve çûbû eşkere kiribû.

Rêberê Tevgera Sedir Muqteda Sedir, encama dawî ya hilbijartina Iraqê qebûl kiribû û sqasiya xwe bo komisyona hilbijartinê anîbû ziman.

Li gor encama dawî ya komîsyonê hejmara kursîyên parlamentoya Iraqê wiha ne:

Tevgera Sedir: 73 kursî

Kandîdên serbixwe: 43 kursî

Hevpeymanîya Teqedum: 37 kursî

Hevpeymanîya Dewleta Yasa: 33 kursî

Partiya Demokrata Kurdistanê: 31 kursî

Hevpeymanîya Kurdistanî (YNK û Tevgera Goran): 17 kursî

Hevpeymanîya Fetih: 17 kursî

Hewpeymanîya Ezm: 14 kursî

Hevpeymanîya Îmtîdad: 9 kursî

Nifşa Nû: 9 kursî

Îşraqe Qanûn: 5 kursî

Eqda Nîştmanî: 4 kursî

Hêzekanî dewllet: çwar kursî

Cemahîr nasnamemane: sê kursî

Hesm bo çaksazî: 3 kursî

17 kursî jî berbijêrên serbixwe bi dest xistine.