Die Welt: NATOyê ji bo destwerdana lezgîn a Rûsyayê hêza krîzê xistiye tevgerê

PeyamaKurd – Piştî ku Rûsyayê digel hişyariyên welatên rojavayî jî hêzên xwe li sînorên Ûkraynayê bicih kirin, NATO jî kete tevgerê û xwe ji bo destwerdaneke lezgîn re amade kir.

Li gorû rojnameya Die Welt a Almanî, piştî bicihkirina hêzên Rûsî li ser sînorên Ûkraynayê NATOyê jî gava xwe ya pêşî avêtiye û hêzeke krîzê ya girêdayî NATO xwe ji bo destwerdana lezgîn li dijî Rûsyayê amade kiriye.

Rojnameyê diyar kiriye ku hêza NATOyê wê di nava 5 rojan de li herêma aloziyê bicih bibe û niha fermandariya wê ji aliyê Tirkiyê ve tê kirin.

Hêjayî bibîrxistinê ye, ew hêza NATOyê ji 40 hezar leşkerên endamên NATOyê pêk tê û piştî êrîşa li dijî Kirimê hatibû damezrandin.