Hesekê | Li taxa Xiwêran û girtîgeha Sinaa operasyona lêgerîn û paqijkirinê tê kirin

PeyamaKurd – Piştî ku pêr Hêzên Sûriya Demokratîk (HSD) ragihand ku girtîgeha Sinaa ya taxa Xiwêran a li Hesekê bi temamî hatiye kontrolkirin, operasyoneke nû ya paqijkirinê hat destpêkirin.

Li gorî zanyariyan hêzên HSD û Asayîşa Hundirîn a Rêveberiya Xweser li taxa Xiwêran û  li hundirê avahiyên girtîgehê operasyonên lêgerîn û paqijkirinê dane destpêkirin ku ew operasyon dewam dikin.

HSDê herî dawî ragihandibû ku bi qasî 60-90 terorîstên DAIŞê hîn di nav girtîgehê de xwe radest nekirine.

Êrîşa DAIŞê ya ser girtîgehê şeva 20ê Çile destpê kiribû û piştî şer û pevçûnên dijwar ên 6 rojan HSDê 26ê Çileyê bi daxuyaniyekê kontrolkirina bi temamî ya girtîgeha Sînaa ragihandibû.