Erebîstana Siûdî, bang li wî welatî kir: Dest ji pêkanînên yekalî berdin

PeyamaKurd- Ji aliyê Wezareta Karên Derve ya Erebîstana Siûdî ve daxuyaniyek hat dayîn û bi rêya daxuyaniyê şêniyên neqanûnî yên ji aliyê Îsraîlê ve li herêmên dagirkirî hatine avakirin red kir û xwest ku dest ji pêkanînên yekalî berde.

Di daxuyaniyê de hat diyarkirin ku ew li dijî biryara Îsraîlê ya qanûnîkirina 9 wargehên cihûyan ên neqanûnî yên li Şerîeya Rojava ya dagirkirî ne.

Bi rêya daxuyaniyê bal hat kişandin ku "Erebistana Siûdî niştecihbûna li herêmên Filistînê yên dagirkirî red dike û li ser girîngiya pabendbûna rêveberiya Îsraîlê ya bi biryarên navneteweyî, da zanîn ku ev pêkanînên yekalî ne û nexistina derfetên aştiyê ne.

Her wiha hat gotin ku "Helwesta Erebistana Siûdî ew e ku bibe alîgirê doza Filistînê."

Kabîneya Ewlehiyê ya Îsraîlê, li gorî qanûnên Îsraîlê "qanûnîkirina" 9 wargehên cihûyan ên neqanûnî yên li Şerîeya Rojava ya dagirkirî qebûl kiribû.