Ji Îmamoglu gotara spasiyê: Gelê Stenbolê hesabê komek mirovan birî

PeyamaKurd - Piştî ku encamên hilbijartinên Şaredariya Mezin a Stenbolê yên nefermî eşkere bûn û serkeftina namzedê CHPê Ekrem Îmamoglu piştrast bû, Îmamoglu gotareke spasiyê pêşkeş kir.

Li gorî amarên nefermî şaredarê hilbijartî yê Stenbolê Ekrem Îmamoglu di gotara xwe de, hilbijêrên Kurd û HDPê û hemû partiyên siyasî û komên etnîkî yên li Stenbolê dijîn bi bîr xistin û got ku ew spasiya hemûyan dike û dê bê cudahî xizmetê ji wan re bike.

Îmamoglu bal kişand ser ku ew dê Stenbolê tenê bi serê xwe birêve nebe û bi pêkhateyan re birêve bibe.

Îmamoglu destnîşan kir ku demokrasî bi ser ketiye û diyar kir, "Gelê Stenbolê, hesabê neheqiyê ji komek mirovan re birîye."

Îmamoglu herwiha bang li Serokomarê Tirkiyê Recep Tayyip Erdogan jî kir û got ku ew dixwaze digel wî kar bike û xwest piştî hat ser kar ligel wî bicive.