Komên çekdar li Serêkaniyê 26 malên xelkê sewitandin

PeyamaKurd - Li bajarê Serê Kaniyê yê Rojavayê Kurdistanê ku ji aliyê artêşa Tirkiye û komên çekdarên bi ser wê ve hatiya dagirkirin, 26 malên sivîlan hatin şewtandin.

Li gorî çavkaniyên herêmê, êrîşên hêzên tirk û komên çekder li ser gundên Serêkaniyê û Girêspî berdewam dikin.

Çavkaniyên xwecihî radigihînin ku heta niha bi qasî 26 malên xelkên sivîl li gundên Qasimiye, Reşîdiyeya Bakur û Başûr hatine şewitandin û ji bilî şewtandina malan a ku plan tê kirin, piraniya mal û dikanên xelkê jî têne talankirin.

Bajarên Rojavayê Kurdistanê yên Serêkaniyê û Girêspî di encama êrîşên Tirkiyê yên 9ê Cotmeha 2019an destpê kiribûn de, ketibûn destê artêşa Tirkiye û komên çekdarên girêdayî wê ku hatibû îdiakirin ew dê herêmeke ewle ji bo vegera penaberan li wan herêman ava bikin.