Li gundekî Kerkûkê 10 cotkarên Kurd hatin girtin

PeyamaKurd – Hate ragihandin ku îro 27ê Mijdarê roja Çarşemê Hêzeke artêşa Iraqê li gundê Mensûr ê girêdayî qezaya Daqûqê ya parêzgeha Kerkûkê 10 gundî girtin.

Hate zanîn ku hêzeke artêşa Iraqê bi ser gundê Mensûr de girtiye û bêyî biryara dadwer 10 gundî desteser kirine.

Ji encûmena gund Mihemed Îbrahîm ragihand ku beşek ji wan kesan cotkar û hinek jî şivan in û yek ji wan jî Pêşmerge ye.

Li gorî nûçeya K24ê gundiyan daxwaza çareseriyeke bilez ji rewşa gund re kir ku hêzên Iraqê bi fermana Erebên hawirde tevdigerin û ji bo berjewendiyên wan zordestiyê li welatiyan û cotkarên Kurd dikin.

Mihemed Îbrahîm bang li serkirdayetiya siyasî ya Kurdistanê jî kir ku sînorekî ji van binpêkirinan re deynin.