Li Sêrtê ji 1ê Adarê heta 15ê wê qedexe hat ragihandin

PeyamaKurd – Parêzgariya bajarê Sêrtê yê bakurê Kurdistanê, ji bo maweya 15 rojan her cure çalakî û xwepêşandan qedexe kir.

Di daxuyaniya parêzgariya Sêrtê de hatiye diyarkirin, li nav sînorên bajarê Sêrtê her cûre civîn, çalakiyên rûniştinê, mîtîng, vedana konan, kampanyaya îmzeyan, şahî, konser, lîstikên şanoyê, xwepêşandan û hemû çalakiyên bi vî rengî heta 15 rojan hatine qedexekirin.

Hat ragihandin ku wê qedexe 1ê Adara 2023yan dest pê dike û heta 15ê Adarê berdewam bike.

Derbarê sedema qedexeyê de jî hatiye gotin ku ji bo dabînkirina ewlehiyê û selametiya xelkê hatiye ragihandin.