Mazlûm Ebdî li ser salvegera 4emîn dagîrkirina Efrînê: Bidawîkirina dagîrkeriyê berpirsyariya me ye

PeyamaKurd – Fermandarê Giştî yê HSDê Mazlûm Ebdî li ser 4emîn salvegera dagîrkirina Efrînê peyamek belav kir û diyar kir: “Bidawîkirina dagîrkeriyê û vegera bi ewle ya şêniyan li xak û malên xwe doz û berpirsyariya me ye.”

Mazlûm Ebdî peyamek li ser twîttera xwe belav kir û bal kişand ser berpirsiyariya hêzên navdewletî û got: “Desteya Neteweyên Yekbûyî û civata navneteweyî heta niha berpirsyariyên xwe li hember şêniyên Efrînê paşguh dikin. 4 sal ji ser dagirkirinê re derbas bûn û li bajarê zeytûnan Efrînê qirkirin dewam dike.”

Ebdî eşkere kir: “Bidawîkirina dagirkeriyê û vegera bi ewle ya şêniyan li xak û malên xwe doz û berpirsyariya me ye.”

Seroka Desteya Rêveber a Meclisa Sûriya Demokratîk - MSDê Ilham Ehmed jî peyamek belav kir û da zanîn: “4 sal ji ser siyaseta qirkirin û tûnekirinê ya dewleta Tirk re derbas dibe. Rizgarkirina Efrînê erka me ya Exlaqî û netewî ye.”