RAPIRSÎ | Dengê AKPê kêm bûn, vegera li sîstema parlamenteriyê derket pês!

PeyamaKurd -  Kompaniya lêkolînên civakî li Tirkiyê ya bi navê Area rapirsînek derbarê hilbijartineke li Tirkiyê bê kirin de pêk anî.

Li gorî encamên rapirsînê rêjeya dengên AKPê kêm bûye û rêjeya kesên ji sîstema niha ya serokomariyê nerazî ne û “Sîstema Parlamenteriya Bihêz” dixwazin jî zêdetir derketiye.

Li gorî rapirsîna Areayê rêjeya dengên AKPê daketiye ji sedî 35,1ê û ji sedî 37ê beşdarên rapirsînê jî gotine divê Wezîrê Navxwe yê Tirkiyê Suleyman Soylu dest ji kar berde.

Beşdaran bersiva pirsa; “Eger îro hilbijartin çêbibe hûnê dengên xwe bidin kîjan partiyê?” daye û rêjeya dengên AKPê ku sala 2018an ji sedî 42,6 bû, daketiye ji sedî 35,1ê.

Encamên rapirsînê wiha ne:

AK Partî: %35,1

CHP: %23,1

IYI Partî: %14,1

HDP: %10,1

MHP: %10,1

Li ser pirsa “Hûn Sîstema Hikûmeta Serokkomariyê serkeftî dibînin?”  jî bi rêjeya ji sedî 51,3 bersiva ‘ne serkeftî ye’ dane.

Di rapirsînê de rêjeya pirsa; “Li gor we pêwîstî bi hilbijartinên pêşwext heye?” jî wiha derketiye:

Belê: %51

Naxêr: %43,8

Fikrê min nîne: %4.3

Li ser mikurhatin û îdiayên Sedat Peker ên derbarê Suleyman Soylu de jî pirs ji beşdarên rapirsînê hatiye kirin ku ji sedî 37,3ê beşdaran gotine divê dest ji kar berde û ji sedî 20,7ê beşdaran jî gotine pêwîst nake dest ji kar berde.