Wezîrê Karên Derve yê Îmaratê bi Blinken re li ser Xezzeyê axivî

PeyamaKurd – Wezîrê Derve yê Îmaratê Şêx Abdullah bin Zayid Al Nahyan û hevtayê wî yê Amerîkî Antony Blinken rojeva Konferansa Bersivdana Mirovî ya Lezgîn a li Xezzeyê, gelek mijarên girêdayî bizavên dîplomatîk ên navçeyî û navdewletî ji bo gihîştina agirbestê, parastina jiyana hemû sivîlan, û pêşkêşkirina alîkariyên mirovî yên têr û berdewam ji sivîlan re li Şerîda Xezzeyê gotûbêj kirin.

Wezîrê Karên Derve yê Îmaratê di hevdîtina xwe ya digel Blinken de, hewildanên vê dawiyê yên ku ji aliyê Serokê Amerîkayê Joe Biden ve ji bo pêkanîna agirbestekê li Şerîda Xezzeyê hat ragihandin bilind nirxand ku di encamê de Encumena Ewlekariyê ya Neteweyên Yekbûyî (NY) pêşnûmeya biryarê ya ku li ser bingeha pêşniyarên Washington roja Duşemê hatibû amadekirin, qebûl kir.

Şêx Ebdullah Bin Zayid dupat kir ku giringiya van hewldanan bi cidî û erênî ji bo nehiştina rageşiyê, parastina jiyana hemû sivîlan û sivikkirina kirîza mirovî ya xirabtir ji aliyê sivîlên li Şerîda Xezzeyê ve tê kirin.

Şêx li ser piştevaniya welatê xwe ji hemû hewlên bi mebesta bidawîanîna azarên gelê Filistînê û bidawîanîna tundrewî, alozî û zêdekirina tundûtûjiyê li navçê tekez kir.