Parlementereke Kurdistanê: Serokê Herêma Kurdistanê îro yasaya çaksaziyan pesend dike

PeyamaKurd - Endameke komîsyona hiqûq û yasayê ya parlementoya Kurdistanê dibêje, ti astengiyek li hember yasaya çaksaziyan nemaye û piştî ku ji aliyê Serokê Herêma Kurdistanê ve hat îmzekirin, dê bikeve meriyetê.

Parlementera Kurdistanê û endama komîsyona hiqûq û yasayê ya parlementoya Kurdistanê, Xedîce Umer got, Serokê Herêma Kurdistanê Nêçîrvan Barzanî dê îro yasaya çaksaziyan îmze bike û radestî serokatiya parlementoya Kurdistanê bike.

Xedîce Umer her wiha got, piştî ku ev qanûn hat îmzekirin divê hikûmeta Kurdistanê di nav 60 rojan de rêkarên bicîhanîna wê xilas bike û di rojnameya fermî ya Kurdistanê re belav bike û dest bi bicîhanîna wê bike.

Wê parlementera Kurdistanê da zanîn, li gorî qanûnên Kurdistanê, yasaya çaksaziyan 90 rojan piştî ku di rojnameya fermî de hat belavkirin, divê were bicîhanîn.

Bi gotina wê endama komîsyona hiqûq û yasayê, ti astengiyek li hember yasaya çaksaziyan nemaye û piştî ku hat îmzekirin, dikare yekser bikeve meriyetê.