Nameya petrola Kurdistanê ji bo endamê Kongreya Amerîkayê Anthony Blinken!

PeyamaKurd – Endamên Kongresa Amerîkayê daxwaz ji Wezîrê Derve yê Amerîkayê kirin ku li gel berpirsên Enqere û Bexdayê bicive û di zûtirîn dem de hinartina petrola Herêma Kurdistanê destpê bike.

Michael Waltz, Seth Moulton û Don Bacon ji Koma Dostaniya Kurdistanê li Kongresa Amerîkayê nameyek ji Wezîrê Derve yê Amerîkayê Anthony Blinken re derbarê pirsa petrola Herêma Kurdistanê de şandin û tê de hewlên xwe yên ji bo aramiya aborî li Herêma Kurdistanê bilind nirxand.

Di nameyê de daxwaz ji Blinken hatiye kirin ku di asta herî bilind de ligel Bexda û Enqerê bicive û di zûtirîn dem de hinartina petrola Herêma Kurdistanê ji nû ve destpê bike.

Di nameyê de hatiye gotin: “Herêma Kurdistanê bê guman bûye faktoreke giring bo aramiya herêmê û penagehek ji bo penaberan û şirîkekî pêbawer di têkşikandina DAIŞê de.

Tê çaverêkirin ku di rojên bê de, şanda hevbeş a Wezareta Petrola Iraqê û Wezareta Çavkaniyên Xwezayî ya Herêma Kurdistanê ji bo gotûbêjkirina dubare hinartina petrola Kurdistanê biçe Tirkiyê.