Navên 12 qurbaniyên lehiya Hewlêrê eskere bû

PeyamaKurd – Hat ragihandin ku li gor zanyariyên fermî yên dawî, heta niha li Hewlêrê ji ber karesata lehiyê 12 kesan can daye û kesên ji derveyî Herêma Kurdistanê jî di nav wan de hene.

Lehiya şeva borî ya piştî barana zêde, li çend taxên û navçeyên Hewlêrê ziyaneke mezin çêkiriye ku heta niha hejmara miriyan gihîştiye 12 kesan.

Navên kesên di lehiyê de can dane jî eşkere bûn:

- Cewahîr Xalîd, 16 salî, Ereb

- Bîrhat Emîn, Kurdê Êzidî

- Mesud Buldiz, hemwelatiyê Tirkiyê

- Ehmed Yasîn, 35 salî, Ereb

- Xedîce Husên Resûl, 80 salî, Kurd

- Remziye Kerîm, 40 salî, kurd

- Amîne Kerîm, 53 salî, kurd

- Resûl Cume, 27 salî, kurd

- Umêd Mamend 23 salî, kurd

- Daner Nebez 10 mehî, kurd

- Jin û zilamekî Ereb ku nasnameya wan nehatiye zanîn

Herwiha hatiye diyarkirin ku hîn kesekî winda heye û lêgerîn bo dîtina wî jî berdewam dikin.

Serokwezîr Mesrûr Barzanî piştî karesatê civîneke lezgîn ji bo alîkarî û qerebûkirina ziyandîtiyên lehiyê li dar xist û diyar kir, ew dê piştgiriyeke tam bidin mexdûrên lehiyê.