Têkiliyên Kurdistan û Misirê pêsve diçin

PeyamaKurd - Serokwezîrê Herêma Kurdistanê Nêçîrvan Barzanî pêşwazî li Konsulê Misrê li Herêma Kurdistanê kir û di hevdêtinê de ragihand ku Herêma Kurdistanê dê alîkar be ji bo destpêkirina proseya siyasî ya Iraqê re.

Nêçîrvan Barzanî û Tamir El-Milêcî konsulê Misrê civiyan û di hevdîtinê de El-Milêcî diyar kir ku ew hêvîdare di karê xwe de wek konsulê welatê Misir serkeftinê bidest bîne û têkeliyên Misir û Herêma Kurdistanê zêdetir pêş bikevin.

Di wê hevdîtinê de behsa pêwendiyên dîrokî yên di navber Misir û Herêma Kurdistanê hat kirin û amaje bi çawaniya pêşxistina wan pêwendiyan ji aliyê rewşenbîrî û bazirganî û aborî û aramiyê ve hat kirin.

Serokwezîrê Kurdistanê got ku asoyeke zelel heye û rewş dê ber bi başiyê ve biçe, ku şîrket û veberhênerên Misrê dê karibin bên li Kurdistanê kar bikin û têkeliykên herdû aliyan dê zêdetir bihêz bibin.

Herwiha herdû aliyan behsa proseya siyasî li Iraqê kirin û amaje bi hilbijartinên Iraqê û avakirina hikûmeta nû ya Iraqê kirin û Nêçîrvan Barzanî ragihand ku Herêma Kurdistanê dê alîkar be ji destpêkirina proseya siyasî ya Iraqê re.