PDKê biryara xwe da: Besdarî hilbijartinên Parlamentoya Kurdistanê dibe

PeyamaKurd - Berdevka Komisyona Bilind a Serbixwe ya Hilbijartinan a Iraqê Cumana Xelayî eşkere kir ku Partiya Demokrat a Kurdistanê (PDK) nameyeke fermî ji Ofîsa Karûbarên Partiyên Siyasî yên komîsyonê re şandiye.

Xelayî da zanîn, PDKê daxwaza xwe ji bo beşdarbûna di hilbijartinên Parlamentoya Kurdistanê de nîşan daye.

PeyamaKurd - Berdevka Komisyona Bilind a Serbixwe ya Hilbijartinan a Iraqê Cumana Xelayî eşkere kir ku Partiya Demokrat a Kurdistanê (PDK) nameyeke fermî ji Ofîsa Karûbarên Partiyên Siyasî yên komîsyonê re şandiye.

Xelayî da zanîn, PDKê daxwaza xwe ji bo beşdarbûna di hilbijartinên Parlamentoya Kurdistanê de nîşan daye.

PDKê ji ber biryara Dadgeha Federal hilbijartin boykot kiribû

Hêjayî bibîrxistinê ye,  Serokê Herêma Kurdistanê Nêçîrvan Barzanî roja 10ê Hezîrana 2024an ji bo hilbijartinên Parlamentoya Herêma Kurdistanê destnîşan kiribû.

Piştre ji ber beşdarnebûna PDK û pêkhateyan bi sedema biryara Dadgeha Federal a ji bo betalkirina 11 kursiyên koutayê û “destêwerdana derve û amadekirina dîzayneke pêşwext a hilbijartinê”, hilbijartin careke din hate pêşxistin.

Kotaya pêkhateyan ji 11an daket 5 kursiyan

Encûmena Bilind a Dadwerî ya Iraqê roja 21ê Gulanê biryar da ku ji 100 kursiyên Parlamentoya Herêma Kurdistanê, 5 kursî ji bo pêkhateyan bên terxankirin û 95 kursîyên bo partiyan hebin.

Ji bo roja hilbijartinê 5ê Îlonê hatiye pêşniyarkirin

Komîsyona Bilind a Serbixwe ya Hilbijartinan roja 5ê Îlonê ji bo lidarxistina hilbijartinên Parlamentoya Herêma Kurdistanê pêşniyar kiriye û ev pêşniyar bi fermî ji Serokatiya Herêma Kurdistanê re şandiye.

Komîsyonê ji 8 heta 13ê Hezîrana 2024an, deriyê tomarkirina hevpeymanî, partiyên siyasî, namzedên serbixwe û namzedên partiyan vekiriye. Her partî yan jî kesek ku bixwaze beşdarî hilbijartinên Parlamentoya 2024an bibe, dikare serdana ofîsên komîsyonê yên li parêzgehan bike.”