Penaberekî Kurd li Yûnanîstanê can da

PeyamaKurd – Penaberekî Kurd yê Rojhilatî, yê çend roj berê li Yûnanîstanê birîndar bibû, can da.

Malpera mafên mirova ya Hengaw diyar kiriye, penaberekî Kurd yê Rojhilatî bi navê Ramîn Şerîfî, ku roja 5 vê mehê li Yûnanîstanê di rûdaneke trafîkê de birîndar bibû, îro li nexweşxanê can da.

Di rûdana 5 vê mehê de, du penaberên Rojhilatî miribûn û du jî birîndr bibûn. Yek ji birîndaran, Ramîn Şerîfî bû, yê din jî Loqman Ehmedî bû. Tevahiya qurbaniyên wê rûdanê, xelkê bajarê Merîwanê yê Rojhilatê Kurdistanê bûn.